Həsən Pezük: "BTQ daha sərfəli, sürətli və təhlükəsiz beynəlxalq dəhlizdir"

Həsən Pezük: "BTQ daha sərfəli, sürətli və təhlükəsiz beynəlxalq dəhlizdir" “2020-ci ildə Türkiyənin dəmiryolları vasitəsi ilə ixrac daşımaları 35 dəfə artıb”
İnfrastruktur
201
23 Fevral , 2021 15:26
Həsən Pezük: BTQ daha sərfəli, sürətli və təhlükəsiz beynəlxalq dəhlizdir

“2020-ci ildə Türkiyənin dəmiryolları vasitəsi ilə ixrac daşımaları 35 dəfə artıb”.

“Report” xarici mətbuata istinadən xəbər verir ki, bunu Türkiyə Dövlət Dəmir Yollarının (TCDD) baş direktoru Həsən Pezük deyib.

"2019-cu ildə 165 milyon sənişin daşımışıq, davamlı artan yükdaşıma həcmimiz 2020-ci ildə 30 milyon tona çatıb. Hazırda biz Bakı-Tiblisi-Qars (BTQ) dəmiryolu xətti vasitəsi ilə Avropa, İran, Gürcüstan, Azərbaycan, Qazaxıstan, Özbəkistan, Türkmənistan, Qırğızıstan, Rusiya və Çin kimi bir sıra ölkələrə ixrac blok qatarları ilə yükdaşımaları həyata keçiririk. "Orta Koridor" (Trans Xəzər Beynəlxalq Nəqliyyat Dəhlizi), ölkəmizin liman əlaqələri sayəsində Asiyadakı yük trafikinin Yaxın Şərq, Şimali Afrika və Aralıq dənizi bölgələrinə çatması üçün əhəmiyyətli imkanlar təqdim edir. Eyni zamanda dəmir yolu və dəniz nəqliyyatının birlikdə istifadə olunduğu əlaqələndirilmiş daşımalar ilə reallaşdırılan ixrac yüklərimiz fərqli ölkələrdə cəmləşməyə davam edir. Qurum olaraq bu fürsətlərdən ölkəmiz üçün ən faydalı şəkildə istifadə etməyə çalışırıq”, - H.Pezük bildirib.

Onun sözlərinə görə, son 18 ildə dəmir yolu sektoru hər mənada böyük bir inkişafa imza atıb: "Bu dövrdə dəmir yolu sektoruna 171,6 milyard türk lirəsi investisiya qoyulub. Əsas dəhlizi yaradarkən həm milli, həm də Avropa-Asiya-Yaxın Şərq arasında tranzit nəqliyyat imkanlarını artırmaq və multimodal daşımaların inkişaf etdirmək üçün dəmiryolu ilə yükdaşımaları layihələrinə üstünlük verilib”.

Həsən Pezük
Həsən Pezük

O qeyd edib ki, bu günə qədər Türkiyədən Çinə 3 blok ixrac qatarı olmaqla, qarşılıqlı 11 blok ixrac konteyner qatarı göndərilib: “Çinə ilk iki ixrac qatarımızda məişət texnikası, sonuncu qatarımızda isə bor mədən maddəsi ixrac edilib.Yenə BTQ vasitəsi ilə Türkiyədən Rusiyaya içində məişət texnikası olan ilk ixrac qatarımızda göndərilib. Bu qatarları yeni ixrac qatarları izləyəcək. Bu məqsədlə ixracatçılarımızla sıx şəkildə əməkdaşlıq edirik. BTQ və "Iron Silk Road" dəhlizlərinə tələbin artdığını xoşbəxtlik və qürur hissi ilə ifadə etmək istəyirəm”.

H.Pezük bildirib ki, BTQ və "Iron Silk Road" dəhlizləri daha sərfəli, daha sürətli, daha təhlükəsiz və iqlimi daha əlverişli olduğundan çox əhəmiyyətli bir beynəlxalq dəmiryolu dəhlizi olaraq ön plana çıxır: "Bu üstünlükləri sayəsində ixrac yükləri Türkiyədən Rusiyaya 8 günə, Çindən Türkiyəyə 12 günə, Çindən Avropaya isə 18 günə çatdırmaq olur.

Türkiyə Avropa istiqamətində yük nəqliyyatına artan tələbi qarşılamaq üçün Bolqarıstan, Rumıniya, Macarıstan, Polşa, Avstriya, Slovakiya, Çexiya və Almaniyaya blok yük qatarı işləyir, artan tələbi qarşılamaq üçün mövcud qatar xidmətinin artırıldığını və yeni blok yük qatarlarını istismara verib”.

Son xəbərlər

Orphus sistemi