COP29 zolaqlarında yol nişanlarının sökülməsinə başlanılıb

Azərbaycan Yerüstü Nəqliyyat Agentliyi (AYNA) COP29 iqlim konfransı çərçivəsində nəqliyyatın hərəkətinin təşkili üçün əvvəllər quraşdırılmış yol nişanlarının sökülməsinə başlayıb.

Bu barədə “Report” AYNA-ya istinadən xəbər verir. İşlərin noyabrın 25-də başa çatdırılması planlaşdırılır.

Bildirilir ki, iki həftə ərzində xüsusi ayrılmış zolaqlarla konfrans iştirakçılarının maneəsiz və təhlükəsiz hərəkəti təmin edilib.

AYNA-nın məlumatına görə, ümumilikdə konfrans müddətində bu zolaqlarla 600 mindən çox sərnişin daşınıb.