Cəbrayılın su və kanalizasiya sistemləri gələn ilin sonunadək yenidən qurulacaq

Cəbrayıl şəhərinin, Cəbrayıl rayonunun Horovlu və Şükürbəyli kəndlərinin xarici su təchizatı və kanalizasiya sisteminin yaradılması və işğaldan azad olunmuş ərazilərdə su təchizatı ilə bağlı təxirəsalınmaz işlərin icrasına 29 milyon 519 min 800 manat vəsait yönəldiləcək.

"Report" bu barədə dövlət satınalmalarının vahid internet portalına istinadən xəbər verir.

Tikinti işlərini “T.T.Ş.-İNŞAAT” MMC aparacaq. O, Azərbaycan Dövlət Su Ehtiyatları Agentliyinin tabeliyindəki Tikilməkdə Olan Obyektlərin Müdiriyyətinin elan etdiyi tenderin qalibi olub.

Müqaviləyə əsasən, işlərin 2025-ci ilin dekabrın 30-da yekunlaşdırılması planlaşdırılır.