“Azəristiliktəchizat”ın rəhbərliyi İsmayıllıda vətəndaşları qəbul edib

“Azəristiliktəchizat” ASC-nin sədrinin vəzifəsini müvəqqəti icra edən İlham Mirzəliyev İsmayıllı şəhərində İsmayıllı və Qəbələ rayonlarından olan vətəndaşları qəbul edib.

Bu barədə "Report"a qurumdan bildirilib.

Qəbulda qaldırılan məsələlərin öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verilib. Müraciətlərin bir qismi yerindəcə həllini tapıb, bəzi məsələlər araşdırılması üçün nəzarətə götürülüb. Cəmiyyətin fəaliyyət dairəsinə aid olmayan müraciətlər müvafiq qurumlara çatdırılmaq üçün qeydiyyata alınıb.