Azərbaycandan beynəlxalq daşımalarda iştirak edən avtomobillərin sayı kəskin artıb

2023-cü ildə Azərbaycandan 11 965 nəqliyyat vasitəsi beynəlxalq avtomobil daşımalarında iştirak edib.

"Report" xəbər verir ki, bunu "Azərbaycan Beynəlxalq Avtomobil Daşıyıcıları Assosiasiyası" (ABADA) İctimai Birliyinin baş katibi vəzifəsini icra edən Kənan Qurbanov qurumun 2023-cü ildəki fəaliyyətinin yekunlarına həsr edilmiş tədbirdə bildirib.

"Bu rəqəm 2021-ci ildə 2 400 olub", - deyə o qeyd edib.

Bundan başqa, ABADA rəsmisi deyib ki, 2023-cü ildə milli daşıyıcıların beynəlxalq bazarlarda payı 2022-ci illə müqayisədə 9 faiz bəndi artıb.

“3-cü ölkə daşımaları üzrə göstəricilərdə isə 2 dəfə artım var", - deyə o əlavə edib.