Azərbaycanda sərnişin daşınması 65 % artıb

Bu ilin yanvar ayında Azərbaycanda yük və sərnişin daşımaları əvvəlki ilin eyni dövrü ilə müqayisədə müvafiq olaraq 3,3 % və 64,8 % artıb.

“Report” xəbər verir ki, bu barədə Dövlət Statistika Komitəsi məlumat yayıb.

Məlumata görə, ötən ay nəqliyyat sektorunda fəaliyyət göstərən təsərrüfat subyektləri 16 milyon ton yük daşıyıb. Yüklərin 2,8 %-i dəniz, 7,7 %-i dəmir yolu, 0,4 %-i hava, 53,9 %-i avtomobil nəqliyyatı, 35,2 %-i isə boru kəməri ilə daşınıb.

Bundan başqa, ötən ay ərzində nəqliyyatçılar 113,2 milyon sərnişinə xidmət göstərib. Sərnişinlərin 86,5 %-i avtomobil nəqliyyatı, 13,1 %-i metro, qalan hissəsi isə digər nəqliyyat növləri ilə daşınıb.