Azərbaycanda dəmir yolu nəqliyyatı yükdaşıma 2 % azalıb

Bu ilin yanvar-noyabr aylarında Azərbaycanda dəmir yolu nəqliyyatı ilə ötən ilin eyni dövrü ilə müqayisədə 1,8 % az - 16,7 milyon ton yük daşınıb.

“Report” “Azərbaycan Dəmir Yolları” QSC-yə istinadən xəbər verir ki, hesabat dövründə orta hesabla sutkada 366 vaqon yüklənib, 424 vaqon isə boşaldılıb.

Sutka ərzində dəmir yolunun Şimal istiqaməti üzrə 18,5 min ton, Qərb istiqaməti üzrə 2,7 min ton, Cənub istiqaməti üzrə isə 0,6 min ton yüklənmə işi yerinə yetirilib.