Azərbaycanda dəmir yolu nəqliyyatı ilə sərnişindaşıma 21 % artıb

Bu ilin yanvar-may aylarında Azərbaycanda dəmir yolu nəqliyyatı ilə 7,7 milyon ton yük, 3 milyon 268,8 min sərnişin daşınıb.

“Report” Dövlət Statistika Komitəsinə istinadən xəbər verir ki, bunlar, ötən ilin eyni dövrü ilə müqayisədə 0,9%, və 20,9 % çoxdur.

5 ay ərzində orta hesabla sutkada 371 vaqon yüklənib, 422 vaqon isə boşaldılıb. Dəmir yolunun Şimal istiqaməti üzrə 17,2 min ton, Qərb istiqaməti üzrə 3,8 min ton, Cənub istiqaməti üzrə isə 0,8 min ton yüklənmə işi yerinə yetirilib.