Azərbaycan Türkmənistan və Qazaxıstan gübrəsinin aşırımını artıracaq

Bakı Beynəlxalq Dəniz Ticarət Limanın ərazisində tikilən gübrə terminalın mayın sonuna qədər yekunlaşması nəzərdə tutulur.

"Report" xəbər verir ki, bunu "Bakı Beynəlxalq Dəniz Ticarət Limanı"QSC -nin Baş direktoru Taleh Ziyadov deyib.

Onun sözlərinə görə, terminalın açılışı iyun-iyul aylarında planlaşdırılır.

"Gübrə terminalı çox əhəmiyyətlidir, çünki hazırda Mərkəzi Asiyadan Azərbaycan ərazisindən keçməklə Qərb istiqamətində kifayət qədər gübrə daşınır. 1-1,5 milyon ton gübrənin aşırılması üçün imkanımız var. Bu terminalla birgə Bakı Limanı 2,5 milyon tona qədər gübrə aşıracaq. Beləliklə Türkmənistan, Qazaxıstan gübrəsini Azərbaycan vasitəsilə Qərbə çatdırmaq mümkün olacaq", - T. Ziyadov bildirib.