Almatı SPECA Şəhərlər Forumuna qoşulub

Bakıda keçirilən BMT-nin Mərkəzi Asiya Ölkələrinin İqtisadiyyatları üçün Xüsusi Proqramı (SPECA) Şəhərlər Forumunda Almatı şəhərinin "SPECA İqlimə Dayanıqlı Ağıllı Şəhərlər Forumunun yaradılması ilə bağlı Niyyət Bəyannaməsi"nə rəsmi şəkildə qoşulduğu açıqlanıb.

"Report" xəbər verir ki, hazırda platformanın əsasını Almatı, Arkadağ, Bişkek, Düşənbə, Gəncə və Səmərqənd şəhərləri təşkil edir.

Platformanın əsası 2024-cü ildə COP29 çərçivəsində qoyulub. İlkin mərhələdə sənədi Gəncə, Düşənbə və Bişkek imzalayıb, daha sonra Arkadağ şəhəri də təşəbbüsə qoşulub.

Tədbirdə Səmərqənd şəhərinin də yaxın vaxtlarda prosedurları tamamlayaraq platformaya tam şəkildə qoşulacağına ümid ifadə olunub.