ADSEA su təchizatı sistemlərinə qoşulmaqla bağlı müraciətlərin 38 %-nin ləğvi səbəblərinə aydınlıq gətirib

Bu ilin əvvəlindən su təchizatı sistemlərinə qoşulmaqla bağlı edilmiş 8 245 müraciətin 38 %-i ləğv edilib.

"Report" xəbər verir ki, bunu Azərbaycan Dövlət Su Agentliyinin (ADSEA) şöbə müdiri Yusif Əhədi bu gün keçirilən brifinqdə deyib.

O qeyd edib ki, ləğv edilmələrin əsas səbəbləri sənədlərin düzgün təqdim olunmaması və qanunsuz tikililərdir:

"62 % müraciət isə icra üçün yönləndirilib. Qərara görə, qoşulma nöqtəsi şəbəkədən 30 metrdən uzaqda olmamalıdır. Amma bəzi hallarda vətəndaşlar su şəbəkəsi olmayan ərazilərdə ev tikir və bu da sonradan çətinliklər yaradır".