“Telegram”da nasazlıq yaranıb

"Telegram" sosial şəbəkəsinin messencerinin işində nasazlıq ortaya çıxıb.

"Report" xəbər verir ki, bu barədə "Downdetector" xidməti məlumat yayıb.

Sosial şəbəkənin istifadəçiləri messencerin işləməməsindən şikayət edirlər.

Portalın məlumatına görə, messencerin işində nasazlıqlar Bakı vaxtı ilə saat 01:04-də ortaya çıxıb. Ən çox şikayətlər messencerə (istifadəçilərin 66 faizi-red) qoşulmadan və mesajların (29 faiz) göndərilməsində yaranan problemlə bağlıdır.

Bununla yanaşı, bir sıra istifadəçilər “Telegram”dakı hesablarına girə bilmir.