“TEKNOFEST Azərbaycan” çərçivəsində əyləncə proqramı təşkil olunacaq

Mayın 26-29-da Bakıda keçiriləcək “TEKNOFEST Azərbaycan” Aerokosmik və Texnologiya Festivalı çərçivəsində texnologiya müsabiqələri və tədbirlərlə yanaşı paytaxt sakinləri və qonaqlar üçün əyləncəli proqramlar təşkil olunacaq.

Bu barədə “Report”a Rəqəmsal İnkişaf və Nəqliyyat Nazirliyindən məlumat verilib.

Məlumata görə, festival çərçivəsində Bakıda ilk dəfə olaraq məşhur ispaniyalı flyboarder Lindsay McQueen-in təqdimatında su üzərində "Flyboard" şousu da baş tutacaq. O, Qətər və BƏƏ-də su üzərində Flyboard üzrə keçirilmiş dünya çempionatlarında uğurla iştirak edib.

Paytaxt sakinləri və qonaqlar 4 gün ərzində, gündə 2 dəfə olmaqla "Flyboard"şousunu izləyə biləcəklər.