Şahin Əliyev: "Bu il 3,5 mindən çox yoluxmuş cihazın istifadəçisi məlumatlandırılıb"

Bu il ərzində Elektron Təhlükəsizlik Xidmətinin internet provayderləri ilə həyata keçirdiyi tədbirlələ 3,5 mindən çox “botnet” şəbəkələri vasitəsi ilə yoluxmuş cihazın istifadəçisi məlumatlandırılıb.

“Report” xəbər verir ki, bunu Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidmətinin rəisi Şahin Əliyev deyib.

Onun sözlərinə görə, həmin şəxslərə bu halların aradan qaldırılması üçün metodiki dəstək göstərilib: "Biz bununla bağlı fəaliyyətimizi davam etdiririk. Əminəm ki, internet provayderləri ilə birgə daha çox halların aşkarlanmasını və istifadəçilərin məlumatlandırılmasını təmin edəcəyik".