Azərbaycanda xüsusi icazə tələb olunmayan radiostansiyaların meyarları dəyişdirilib

Rəqəmsal İnkişaf və Nəqliyyat Nazirliyinin Kollegiyası "Mülki dövriyyəsi məhdudlaşdırılmış əşyaların nomenklaturu"nda dəyişiklik edib.

"Report" xəbər verir ki, bununla bağlı nazir Rəşad Nəbiyev qərar imzalayıb.

Qərara əsasən, mülki dövriyyədə olmasına xüsusi icazə tələb olunmayan radiostansiya və radiorabitə avadanlıqlarının güc meyarlarında dəyişiklik edilib.

Bundan sonra, effektiv şüalanma gücü 0,5 Vt-dan çox olmayan, 446-446,2 MHs radiotezlik zolağında işləyən PMR-446 radiostansiyaları mülki dövriyyənin müəyyən iştirakçıları icazə olmadan istifadə edə biləcəklər.

İndiyədək, 446-446,1 MHs radiotezlik zolağında işləyən PMR-446 radiostansiyalarına icazə verilirdi.