Azərbaycanda planşetlərin bazar payı kəskin azalıb

Bu ilin iyun ayında Azərbaycanın elektron cihaz bazarında (kompüter, mobil cihaz və planşetlər) mobil cihazların payı 77,48 % təşkil edib.

“Report”un “Statcounter” agentliyinin iyun hesabatına istinadən verdiyi məlumata görə, bu, may ayına nisbətən 5,31 faiz bəndi az, bir il əvvəlki göstərici ilə müqayisədə isə 4,92 faiz bəndi çoxdur.

Kompüterlərin bazar payı müvafiq olaraq 5,03 faiz bəndi artaraq və 4,04 faiz bəndi azalaraq 21,85 % olub.

İyunda planşetlərin bazar payı 0,67 %-də qərarlaşıb ki, bu da may ayına nisbətən 0,28 faiz bəndi, bir il əvvəlki göstərici ilə müqayisədə isə 0,88 faiz bəndi azdır. Beləliklə son bir ildə elektron cihaz bazarında planşetlərin payı 57 % azalıb.