“Azərsu”: Gün ərzində Binəqədi və Abşeron rayonlarının bir hissəsində suyun verilişində məhdudiyyətlər aradan qaldırılacaq

“Azərsu” ASC gün ərzində Binəqədi və Abşeron rayonlarının bir hissəsində suyun verilişində yaradılmış məhdudiyyətləri aradan qaldıracaq”.

Bunu “Report”a açıqlamasında qurumun mətbuat xidməti və ictimaiyyətlə əlaqələr şöbəsinin rəhbəri Anar Cəbrayıllı bildirib.

O vurğulayıb ki, “Azərsu” ASC tərəfindən Ceyranbatan qəsəbəsində yeni çəkilmiş su borusunun magistral xəttə birləşdirilməsi istiqamətində iş aparılıb və borularda olan su boşaldılıb: “Bununla yanaşı təmir-bərpa işləri ilə əlaqədar olaraq Binəqədi və Abşeron rayonlarının bir hissəsində suyun verilişi dayandırılıb. Lakin artıq təmir-bərpa işləri yekunlaşıb və yaxın saatlarda suyun verilişi bərpa ediləcək”.