“Facebook” fərdi məlumatları sızdırdığına görə rekord məbləğdə cərimələnə bilər

Bakı. 15 fevral. REPORT.AZ/ ABŞ Federal Ticarət Komisiyası (FTC) və “Facebook” şirkəti şəbəkənin istifadəçilərinin fərdi məlumatlarının sızdırılmasına görə milyardlarla dollar məbləğindəki cəriməni razılaşdırmaq üçün danışıqlar aparır.

“Report” “The Washington Post”a istinadən xəbər verir ki, iki mənbənin bu barədə verdiyi məlumata görə, danışıqlar nəticəsiz olsa, komisiya məhkəməyə müraciət edəcək.

Sözügedən cərimə indiyədək FTC tərəfindən texnologiya şirkətlərinə qarşı tətbiq edilmiş ən iri maliyyə sanksiyası olacaq. Belə ki, 2012-ci ildə “Google” şirkəti 22,5 milyon dollar məbləğində cərimə ödəmişdi.

Hər iki tərəf danışıqlara dair hər hansı şərh vermək istəməyib.