“Bakı Telefon Rabitəsi”nin nizamnamə kapitalı artırılıb

Nəqliyyat, Rabitə və Yüksək Texnologiyalar Nazirliyinə məxsus “Bakı Telefon Rabitəsi” MMC-nin nizamnamə kapitalı 1 871 221 manat və yaxud 4,5% artırılıb.

“Report” xəbər verir ki, şirkətin kapitalı 41 279 467 manatdan 43 150 688 manata çatdırılıb.

Xatırladaq ki, “Bakı Telefon Rabitəsi” MMC 1997-ci ildən fəaliyyət göstərən “Bakı Telefon Rabitəsi” İstehsalat Birliyinin (BTRİB) bazasında 2017-ci ildə yaradılıb.