Biləsuvarda şəhidlərin medalları ailələrinə təqdim edilib 

Vətən müharibəsində qəhrəmanlıq göstərərək şəhid olmuş igidlərimizin medalları ailələrinə təqdim olunub.

"Report"un Muğan bürosunun məlumatına görə, tədbirdə çıxış edənlər qeyd ediblər ki, torpaqlarımızın ərazi bütövlüyü uğrunda canlarından keçən şəhidlərimiz heç zaman unudulmayacaq, onların əziz xatirəsi qəlbimizdə daim yaşayacaq.

Sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin müvafiq sərəncamı ilə təltif olunan 13 şəhidin medalları ailələrinə təqdim olunub.

Şəhid ailələri onlara göstərilən diqqət və qayğıya görə ölkə Prezidenti, Silahlı Qüvvələrin Ali Baş Komandanı İlham Əliyevə öz minnətdarlıqlarını bildiriblər.