Azərbaycan hərbçiləri Türkiyədə paraşüt təlimlərində iştirak ediblər

Azərbaycan Ordusunun daha bir qrup hərbçisi təlim üçün Türkiyəyə göndərilib.

“Report” xəbər verir ki, bu barədə Türkiyə Milli Müdafiə Nazirliyi məlumat yayıb.

Bildirilib ki, Azərbaycan və Türkiyə Hərbi Hava qüvvələrinin hərbçiləri birgə paraşüt təlimləri keçiriblər.

Təlimlər Türkiyənin Kayseri şəhərində yerləşən Birinci Komando Briqadasında icra edilib.