Türkiyənin “Hürkuş” təyyarəsi Azərbaycanda sınaq uçuşları keçirib 

Türkiyəyə məxsus “Hürkuş” tipli təlim təyyarəsi dekabrın 3-də Azərbaycanda sınaq uçuşları keçirib. 

“Report” xəbər verir ki, azərbaycanlı və türkiyəli pilotlar təyyarənin üzərində iki ölkənin bayrağını dalğalandırıblar.

Azərbaycan Ordusunun Hərbi Hava Qüvvələrinin komandanı general-leytenant Ramiz Tahirov və Türkiyənin Azərbaycandakı fövqəladə və səlahiyyətli səfiri Cahit Bağçı uçuşları izləyiblər. 

Diplomat tviter səhifəsində uçuşla bağlı paylaşım edib.

“Bu gün Azərbaycanda “Hürkuş” uçurduq”, - C.Bağçı bildirib.