Azərbaycan Hərbi Hava Qüvvələrinin komandanı Pakistana səfərə gedib

Bakı. 26 noyabr. REPORT.AZ/ Azərbaycan müdafiə nazirinin müavini - Hərbi Hava Qüvvələri komandanı general-leytenant Ramiz Tahirovun rəhbərlik etdiyi nümayəndə heyəti Pakistanda səfərdədir.

Müdafiə Nazirliyinin Mətbuat xidmətindən "Report"a verilən məlumata görə, Azərbaycan nümayəndə heyəti noyabrın 27-dən 30-dək Karaçi şəhərində keçiriləcək “İDEAS-2018” 10-cu beynəlxalq müdafiə sərgisi və seminarında iştirak edəcək.