Yevlaxda avtomobil aşıb, bir ailənin 3 üzvü yaralanıb

Bakı-Qazax avtomobil yolunda ağır yol-nəqliyyat hadisəsi baş verib.

"Report"un məlumatına görə, hadisə magistralın Yevlax rayonu ərazisindən keçən hissəsində qeydə alınıb.

Belə ki, hərəkətdə olan 2 minik avtomobilinin toqquşması nəticəsində avtomobillərdən biri idarəetmədən çıxaraq yolun kənarına aşıb.

Hadisə zamanı avtomobildə olan bir ailənin 3 üzvü - 2004-cü il təvəllüdlü Araz Əkbər oğlu Abdullayev, 1983-cü il təvəllüdlü Saygül Heybət qızı Abdullayeva və 1974-cü il təvəllüdlü Əkbər Abdullayev müxtəlif bədən xəsarətləri alıb və xəstəxanaya aparılıblar.

Onların vəziyyətinin kafi və qənaətbəxş olduğu bildirilir.

Faktla bağlı araşdırmalara başlanılıb.