Xaricdən Azərbaycana qanunsuz narkotik maddə gətirməkdə təqsirləndirilən musiqiçiyə hökm oxunub

Bakı. 10 oktyabr. REPORT.AZ/ Bakı Ağır Cinayətlər Məhkəməsində qaçaqmalçılıq yolu ilə qanunsuz narkotik maddələri gətirməkdə təqsirləndirilən Çingiz Muradovun cinayət işi üzrə məhkəmə iclası başa çatıb.

"Report"un xəbərinə görə, hakim Cavid Hüseynovun sədrliyi ilə keçirilən prosesdə hökm oxunub.

Məhkəmənin hökmü ilə o, 8 il müddətinə azadlıqdan məhrum edilib.

Qeyd edək ki, Ç.Muradov qaçaqmalçılıq yolu ilə xarici ölkədən Azərbaycana qanunsuz narkotik maddə gətirməkdə təqsirli bilinir. O, Bakı Musiqi Akademiyasında təhsil alıb.