Yuxarı

Məhkəmə DTX-nin həbs etdiyi şəxsin vəsatətini təmin edib

Məhkəmə DTX-nin həbs etdiyi şəxsin vəsatətini təmin edib
Dinlə

Məhkəmənin baxış iclası iyulun 6-na təyin edilib

Bakı. 27 iyun. REPORT.AZ/ Bu gün Bakı Ağır Cinayətlər Məhkəməsində qaçaqmalçılıq yolu ilə qanunsuz narkotik maddələri gətirməkdə təqsirləndirilən Çingiz Muradovun cinayət işi üzrə məhkəmə iclası davam etdirilib.

"Report"un xəbərinə görə, hakim Cavid Hüseynovun sədrliyi ilə keçirilən prosesdə məlum olub ki, Ç.Muradov Bakı Musiqi Akademiyasında təhsil alıb.

Daha sonra təqsirləndirilən şəxs vəsatət qaldırıb. O, hazırda saxlanıldığı Dövlət Təhlükəsizliyi Xidmətinin (DTX) istintaq təcridxanasından Ədliyyə Nazirliyi Penitensiar xidmətinin istintaq təcridxanasına köçürülməsini istəyib.

Vəsatət təmin edilib.

Məhkəmənin baxış iclası iyulun 6-na təyin edilib.

Qeyd edək ki, Ç.Muradov qaçaqmalçılıq yolu ilə xarici ölkədən Azərbaycana qanunsuz narkotik maddə gətirməkdə təqsirli bilinir. O, DTX əməkdaşları tərəfindən saxlanılıb və məhkəmə qərarı ilə barəsində həbs qətimkan tədbiri seçilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi