Xaçmazda avtomobil piyadanı vuraraq öldürüb

Xaçmaz rayonunda avtomobil piyadanı vuraraq öldürüb.

"Report"un şimal bürosunun məlumatına görə, hadisə Gəndob-Xaçmaz-Yalama yolunun 31-ci km-də, rayonun Müzəffəroba kəndi ərazisindən keçən hissəsində Alpan çay körpüsündə qeydə alınıb.

Belə ki, "VAZ-21011" markalı minik avtomobili yolu keçmək istəyən piyada, rayonun Nərəcan kənd sakini, 1952-ci il təvəllüdlü Cavadov Cavad Nəsrulla oğlunu vurub. Piyada hadisə yerində ölüb.

Meyit müayinə üçün Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.

Faktla bağlı araşdırma aparılır.