Suraxanıda 19 yaşlı gənci avtomobil vurub

Bakının Suraxanı rayonunda 19 yaşlı gənc yol-nəqliyyat hadisəsi zamanı ağır xəsarət alıb.

“Report” xəbər verir ki, hadisə Hövsan qəsəbəsində qeydə alınıb.

Belə ki, 2005-ci il təvəllüdlü Əsədov Xəyal Zahid oğlu yolu keçərkən avtomobil onu vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.