Suraxanı rayonunda avtomobil yanıb

Bakı. 1 dekabr. REPORT.AZ/ Bakı şəhərinin Suraxanı rayonunda avtomobil yanıb. “Report”un xəbərinə görə, məlumatı Fövqəladə Hallar Nazirliyinin (FHN) rəsmi saytı yayıb.

Belə ki, “KİA” markalı minik avtomobilinin yanar hissələri yanıb və yüksək temperaturdan yaxınlıqdakı həyətyanı sahəsinin hasarında quraşdırılmış elektrik sayğacı əriyib. Yaxınlıqdakı digər avtomobillər yanğından mühafizə olunub. Yanğın yanğınsöndürənlər tərəfindən söndürülüb.