Sumqayıtda bir ay əvvəl itkin düşən qadının meyiti tapılıb

Bakı. 23 sentyabr. REPORT.AZ/ Sumqayıtda bir ay əvvəl itkin düşən qadının meyiti tapılıb.

"Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.

Məlumata görə, avqustun 25-də Sumqayıt şəhərində yaşayan Yeganə Mirzəyeva evdən çıxıb, geri qayıtmayıb.

Sentyabrın 22-də Abşeron rayonu Qobu qəsəbəsinin ərazisində Y.Mirzəyevanın baş nahiyəsində xəsarəti olan, çürüməyə məruz qalan meyiti tapılıb.

Polis və prokurorluq orqanları əməkdaşlarının həyata keçirdikləri istintaq və əməliyyat-axtarış tədbirləri ilə hadisəni münaqişə zəminində Sumqayıt şəhər sakini Vahid Vəliyevin törətməsi müəyyən edilib və o, tutulub.

Faktla bağlı araşdırma aparılır.