Şirvanda yaşlı qadını maşın vuraraq öldürüb

Bakı. 6 aprel. REPORT.AZ/ Şirvanda piyadanın vurulması ilə nəticələnən yol-nəqliyyat hadisəsi baş verib.

"Report"un Aran bürosu xəbər verir ki, qəza Şirvan şəhəri, Gülbala Şıxbalaoğlu küçəsində qeydə alınıb.

Nəticədə yolu keçmək istəyən 1942-ci il təvəllüdlü Şirvan sakini Hüseynova Xanımgül 1974-cü il təvəllüdlü Həsənov Natiq tərəfindən idarə olunan “QAZ-24” markalı avtomobil tərəfindən vurulub. Qadın aldığı xəsarətlərdən hadisə yerində keçinib.

Faktla bağlı araşdırma başlayıb.