Şəmkirdə torpaq çöküb, 2 nəfər xəsarət alıb - YENİLƏNİB

Şəmkir rayonunda baş verən hadisənin təfərrüatı məlum olub.

“Report” un Qərb Mərkəzinin məlumatına görə, həyatyanı sahədə artezian quyusu qazılan zaman torpaq çökməsi baş verib.

Nəticədə iki nəfər - 32 yaşlı Rövşən Məmmədov və 36 yaşlı Tural Qələndərli torpağın altında qalıb. Sonra onların hər ikisi yaralı vəziyyətdə torpağın altından çıxarılıb. Yaralılar Gəncədə yerləşən xəstəxanaların birinə yerləşdiriliblər. Onların həyatı təhlükələri yoxdur.

Faktla bağlı araşdırma aparılır.

Şəmkir rayonunda torpaq sürüşməsi baş verib.

“Report”un Qərb Mərkəzinin məlumatına görə, bir neçə nəfər torpaq altında qalıb.

Hazırda hadisə yerinə təcili tibbi yardım briqadası cəlb olunub.