Şəmkirdə avtomobil 45 yaşlı kişini vurub

Şəmkirdə 45 yaşlı kişi yol-nəqliyyat hadisəsi zamanı xəsarət alıb.

"Report" xəbər verir ki, 1979-cu il təvəllüdlü Rəhimov Qabil Bəşir oğlu yolu keçərkən avtomobil onu vurub.

Yaralı təcili tibbi yardımın köməkliyilə Şəmkir Rayon mərkəzi Xəstəxanasına çatdırılıb. Lakin vəziyyəti ağır olduğundan Bakıda yerləşən xəstəxanalardan birinə gətirilib. Müayinə zamanı ona müştərək travma və sol baldır sümüyünün sınığı diaqnozları qoyulub.

Faktla bağlı araşdırma aparılır.