Şabranda maşın dərəyə aşıb

Bakı. 15 dekabr. REPORT.AZ/ Şabran rayonu, Zöhrabkənd kəndində (rayon mərkəzindən 40 km aralı) "NİVA" markalı minik avtomobilinin dərəyə aşması nəticəsində yol-nəqliyyat qəza hadisəsi baş verib.

"Report" Fövqəladə Hallar Nazirliyinin (FHN) rəsmi saytına istinadən xəbər verir ki, hadisə yerinə FHN-nin muvafiq xilasetmə qüvvələri cəlb olunublar.

Yanğınsöndürən-xilasedicilər sürücünü dərədən çıxararaq Təcili Tibbi Yardım Stansiyasının həkimlərinə təhvil vermişlər. Əməliyyat saat 18:51-də başa çatıb;