Yuxarı

Rəsmilər partlayış baş vermiş əraziyə gəliblər - YENİLƏNİB-3

Rəsmilər partlayış baş vermiş əraziyə gəliblər - YENİLƏNİB-3 1700

Bakı. 27 yanvar. REPORT.AZ/ Bakının mərkəzində, metronun “28 may” stansiyasının yaxınlığında partlayış baş vermiş əraziyə Nəsimi Rayon İcra Hakimiyyətinin başçısı Asif Əsgərov da gəlib.

"Report" xəbər verir ki, o, əraziyə baxış keçirib.

Qeyd edək ki, bundan əvvəl “Azəriqaz” İstehsalat Birliyinin baş direktorunun müavini Ruslan Əliyev də hadisə yerinə gələrək jurnalistlərə açıqlama verib.


*** 10:08

Bakı. 27 yanvar. REPORT.AZ/ Hadisə yerinə gəlmiş “Azəriqaz” İstehsalat Birliyinin baş direktorunun müavini Ruslan Əliyev jurnalistlərə açıqlama verib.

“Report”un xəbərinə görə, o bildirib ki, ilkin olaraq hadisənin qaz sızmasından baş verdiyi ehtimal olunur. 

Onun sözlərinə görə, MTK-nın qaz xəttinə toxunma olub: “Dünən ərazidə hansısa qazıntı işləri aparılıb və aydın hiss olunur ki, MTK-ya gedən qaz xəttinə toxunma olub. Partlayışın da sızma səbəbindən baş verdiyi ehtimal edilir”.

“Azəriqaz” rəsmisi əlavə edib ki, hadisə ilə əlaqədar 1000-ə yaxın abonentin qaz təchizatı dayandırılıb.

R.Əliyev hadisə nəticəsində ölənlərin olmadığını, bir nəfərin xəsarət aldığını bildirib.


09:50

Bakı. 27 yanvar. REPORT.AZ/ Bakının mərkəzində, metronun “28 may” stansiyasının yaxınlığında baş vermiş partlayış zamanı bir nəfər yanıq xəsarətləri alıb.

"Report"un əməkdaşı xəbər verir ki, yaralı Respublika Yanıq Mərkəzinə yerləşdirilib. Onun vəziyyəti ağırdır.

Həmin şəxs 1961-ci il təvəllüdlü Zahid Mahmudovdur.


*** 09:18

Bakı. 27 yanvar. REPORT.AZ/ Bakının mərkəzində, metronun “28 may” stansiyasının yaxınlığında partlayış baş verib.

“Report” xəbər verir ki, bununla bağlı sosial şəbəkələrdə məlumat yayılıb.

Partlayış yanğınla müşahidə olunub.

Hadisə "Ofisait" mağazasının yanındakı obyektdə baş verib. Hadisə zamanı "Ofisait" mağazasına da ziyan dəyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi