Qaxda toy mərasimində bədbəxt hadisə baş verib

Qaxda toyu olan gəlinin bibisi məclis zamanı vəfat edib.

"Report"un Şimal-qərb bürosunun məlumatına görə, bədbəxt hadisə bu gün axşam saatlarında "Gülnur"​ şadlıq evində keçirilən toy mərasimində baş verib.

Belə ki, Qax şəhər sakini 68 yaşlı Laləzar Məmmədsəidli qardaşı qızının toyunda rəqs edərkən halı pisləşib. Qadın yaxınlarının köməkliyi ilə Qax Rayon Mərkəzi Xəstəxanasına yerləşdirilib. İlkin müayinə zamanı qadında bioloji ölümün baş verdiyi məlum olub.

Faktla bağlı araşdırma aparılır.