Qaxda baş verən avtoqəzada ölən və xəsarət alanların kimliyi bəlli olub - YENİLƏNİB

Qaxda baş verən avtoqəzada ölən və xəsarət alanların kimliyi bəlli olub.

"Report"un Şimal-qərb bürosunun məlumatına görə, qəza zamanı Tacəddin Əhmədov hadisə yerində ölüb.

Bundan başqa, Həşimov Xəyal Abdul oğlu, Abdullayev Zaur Səid oğlu və Manafov Novruz Şəmil oğlu xəsarət alıblar.

Yaralılar Qax Rayon Mərkəzi Xəstəxanasına yerləşdiriliblər.

17:35

Qaxda qəza baş verib, ölən var.

"Report"un Şimal-qərb bürosunun məlumatına görə, hadisə iyulun 30-u saat 16 radələrində Qax-Şəki avtomobil yolunun rayonun Əmbərçay kəndi ərazisindən keçən hissəsində qeydə alınıb.

Belə ki, "Mercedes" və "Niva" markalı avtomobillər toqquşub, nəticədə bir nəfər həyatını itirib.

Faktla bağlı cinayət işi başlanılıb, araşdırma aparılır.