Paytaxtda avtomobil piyada keçidində 60 yaşlı kişini vurub

Bakının Nərimanov rayonunda piyadanın xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, avtomobil piyadalar üçün nəzərdə tutulan ərazidə yolu keçən 1963-cü il təvəllüdlü Feyzullayev Vəfadar Əmiraslan oğlunu vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol bazu sümüyünün sınığı və bədənin müştərək travması diaqnozları qoyulub.

Hadisənin təfərrüatı araşdırılır.