Neftçalada yol qəzasında sürücü ölüb, iki nəfər xəsarət alıb 

Neftçalada yol qəzasında sürücü ölüb, iki nəfər xəsarət alıb.

“Report”un Aran bürosunun məlumatına görə, hadisə rayonun Yenikənd kəndində qeydə alınıb.

Belə ki, Neftçala şəhər sakini, 1967-ci il təvəllüdlü Bağırov Nazim Qəhrəman oğlu idarə etdiyi “Mersedes” markalı avtomobi anidən idarəetməni itirib və yoldan çıxaraq aşıb.

Qəza nəticəsində sürücü hadisə yerində ölüb. Avtomobildə olan rayonun Həsənabad kənd sakinləri, 1963-cü il təvəllüdlü Gözəlov Rahib Paşa oğlu və 1961-ci il təvəllüdlü İbadov Habil Məzahim oğlu müxtəlif dərəcəli xəsarətlər alıb. Yaralılar Neftçala rayon Mərkəzi Xəstəxanasına yerləşdirilib.

Faktla bağlı araşdırma aparılır.