Naftalanda 35 yaşlı kişi anafilaktik şok nəticəsində ölüb

Naftalanda səhhətində yaranmış problemlə bağlı iynə vurduran şəxs anafilaktik şok nəticəsində dünyasını dəyişib.

"Report"un Qərb Mərkəzinin məlumatına görə, hadisə Naftalan şəhərində qeydə alınıb.

Naftalan sakini, 1986-cı il təvəllüdlü D.Qasımov səhhətində yaranmış problemlə bağlı yaşadığı evdə iynə vurdurub. Lakin o, anafilaktik şok keçirib və dünyasını dəyişib.

Faktla bağlı araşdırmalara başlanılıb.