Məktəb kitabxanasında yanğın baş verib

Bakı. 13 dekabr. REPORT.AZ/ Qəbələ rayonunda məktəb kitabxanası yanıb. "Report" Fövqəladə Hallar Nazirliyinin (FHN) rəsmi saytına istinadən xəbər verir ki, rayonun Tikanlı kəndində Təhsil Nazirliyinə məxsus ümumi sahəsi 3960 kv.m olan (hər mərtəbəsi 1960 kv.m ) ikimərtəbəli kənd orta məktəbinin birinci mərtəbəsində kitabxanada 1 kv.m sahəyə yığılan köhnə kitablar yanıb. Məktəbin binası yanğından mühafizə olunub. Yanğın söndürülüb.