Məhkəmə Səlim Müslümovla bağlı qərar verib

Məhkəmə Səlim Müslümovla bağlı qərar verib Hazırda istintaq-əməliyyat tədbirləri davam etdirilir
Hadisə
2572
15 Fevral , 2021 17:04
Məhkəmə Səlim Müslümovla bağlı qərar verib
Səlim Müslümov

Bakı Apellyasiya Məhkəməsində keçmiş əmək və əhalinin sosial müdafiəsi naziri Səlim Müslümov barəsində həbs qətimkan tədbirinin seçilməsi ilə bağlı qərardan verilən şikayətə baxılıb.

“Report”un əldə etdiyi məlumata görə, şikayət təmin edilməyib və həbs qərarı qüvvədə saxlanılıb.

Qeyd edək ki, Dövlət Təhlükəsizliyi Xidməti tərəfindən saxlanılan S.Müslümov Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə təqsirləndirilir.

Səbail Rayon Məhkəməsinin qərarı ilə onun barəsində həbs qətimkan tədbiri seçilib.

Rəsmi məlumata görə, S.Müslümov Nazirliyin Dövlət Əmək Müfəttişliyi Xidməti tərəfindən ölkə ərazisində istehsal, sosial-məişət və iaşə təyinatlı obyektlərin inşası və yenidən qurulması zamanı əməyin mühafizəsi tələblərinə əməl olunması, onların istismara buraxılmasına razılığın verilməsi, əməyin mühafizəsi tələblərinə uyğunluğu ilə bağlı müəssisələrdə aparılmış yoxlamaların nəticələrinə görə müxtəlif vaxtlarda külli miqdarda pul vəsaitləri qismində təkrar rüşvət almasına dair məlumatlar əldə olunmuşdur. Eyni zamanda Daxili nəzarət şöbəsi tərəfindən ərazi strukturlarında aparılmış yoxlamaların nəticələri ilə bağlı onun həmin Nazirliyin müxtəlif ərazi şöbələrinin rəhbərlərinin hər birindən 10 mindən 30 min manatadək külli miqdarda təkrar rüşvət almasına əsaslı şübhələr müəyyən edilib.

Hazırda istintaq-əməliyyat tədbirləri davam etdirilir.

Son xəbərlər

Orphus sistemi