Lənkəranda dənizdə batan iki nəfərdən birinin kimliyi məlum olub - YENİLƏNİB-2

Bu gün Lənkəranda dənizdə boğulan iki nəfərdən birinin kimliyi məlum olub.

"Report"un cənub bürosu xəbər verir ki, ölənlərdən biri Məmmədzadə Ramin Tahir oğludur.

O, Lənkəran rayonunun Separadi kəndindəndir.

18:26

Lənkəranda daha bir nəfər dənizdə batıb.

"Report" FHN-ə istinadən xəbər verir ki, bu gün Lənkəran şəhəri, Sütəmurdov kəndi yaxınlığında dənizdə (ən yaxın sularda xilasetmə məntəqəsindən təqribən 3 km aralı, nəzarətsiz ərazi) batan 1 nəfərin axtarışları başa çatıb.

Batan şəxsin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib.

16:58

Lənkəranda dənizdə 1 nəfər batıb.

Bu barədə “Report”a Fövqəladə Hallar Nazirliyinin (FHN) Mətbuat Xidmətindən məlumat verilib.

Bildirilib ki, FHN-in "112" qaynar telefon xəttinə Lənkəran şəhəri, Sütəmurdov kəndi yaxınlığında dənizdə (ən yaxın sularda xilasetmə məntəqəsindən təqribən 3 km aralı, nəzarətsiz ərazi) 1 nəfərin batması barədə məlumat daxil olub.

Məlumatla əlaqədar FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.