Kürdəmirdə yol qəzası baş verib, xəsarət alanlar var

Kürdəmirdə yol qəzası olub.

"Report"un Yuxarı Şirvan bürosu xəbər verir ki, hadisə Ağsu-Kürdəmir-İmişli yolunun rayonun Qaraqocalı kəndindən keçən hissəsində qeydə alınıb.

Belə ki, Kürdəmir rayonunun Şahsevən kənd sakini, 33 yaşlı Məmmədov Rövşən Ramiz oğlunun idarə etdiyi “VAZ-2107” markalı avtomobil Ağsu istiqamətində hərəkətdə olarkən 48 yaşlı Usubov Rövşən Eyyub oğlunun idarə etdiyi “VAZ-2106” markalı nəqliyyat vasitəsi ilə toqquşub. Qəza zamanı hər iki avtomobilin sürücüsü müxtəlif dərəcəli xəsarətlər alıblar.

Yaralılar təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb.

Faktla bağlı araşdırma aparılır.

Kürdəmirdə yol qəzası baş verib, xəsarət alanlar var