Karantində “icazə” satan şirkət rəhbəri hakim qarşısına çıxarılır

Karantində “icazə” satan şirkət rəhbəri hakim qarşısına çıxarılır Karantin dövründə vətəndaşları “icaze.e-gov.az” portalında qanunsuz qeydiyyatdan keçirən “Birlik-B” MMC-nin təsisçi-direktoru Şahismayıl Orucovun cinayət işi üzrə ibtidai istintaq başa çatıb. 
Hadisə
1360
22 Sentyabr , 2020 14:53
Karantində “icazə” satan şirkət rəhbəri hakim qarşısına çıxarılır
Şahismayıl Orucov

Karantin dövründə vətəndaşları “icaze.e-gov.az” portalında qanunsuz qeydiyyatdan keçirən “Birlik-B” MMC-nin təsisçi-direktoru Şahismayıl Orucovun cinayət işi üzrə ibtidai istintaq başa çatıb. 

“Report”  xəbər verir ki, cinayət işinə Nərimanov Rayon Məhkəməsində hakim Hafiz Kamranovun sədrliyi ilə baxılacaq. 

Qeyd edək ki, bu ilin may ayında Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həyata keçirilən növbəti əməliyyat tədbiri nəticəsində Astara rayon sakini, “Birlik-B” MMC-nin təsisçi-direktoru Şahismayıl Orucov karantin rejimi qaydalarını kobud surətdə pozmaqda şübhəli bilindiyi üçün saxlanılıb. 

Araşdırma zamanı onun karantin dövründə sahibi olduğu MMC-yə qanunsuz olaraq işçilər götürərək onların adına özündə həqiqəti əks etdirməyən elektron müqavilələr bağladığı müəyyənləşib. 

Daha sonra Şahismayıl Orucov həmin şəxsləri “icaze.e-gov.az” portalında qeydiyyatdan keçirib onların xüsusi karantin qaydalarının tələblərinə zidd olaraq sərbəst hərəkət etməsinə şərait yaradıb.

Faktla bağlı Baş İdarənin İstintaq və Təhqiqat İdarəsində Cinayət Məcəlləsinin 139-1.1-ci (epidemiya əleyhinə və karantin rejimlərinin pozulması) maddəsi ilə cinayət işi başlanılıb. 

Qeyd olunan cinayət əməlini törətməkdə şübhəli bilinən Şahismayıl Orucov tutularaq istintaqa cəlb olunub. Onun barəsində məhkəmənin qərarı ilə həbs qətimkan tədbiri seçilib.

Ona Cinayət Məcəlləsinin 308.1-ci (vəzifə səlahiyyətlərindən sui-istifadə), 313-cü (Vəzifə saxtakarlığı, yəni vəzifəli şəxs tərəfindən rəsmi sənədlərə və ya informasiya resurslarına bilə-bilə yalan məlumatların daxil edilməsi, habelə göstərilən sənədlərdə və ya informasiya resurslarında onların həqiqi məzmununu təhrif edən düzəlişlərin edilməsi, tamah və ya sair şəxsi niyyətlərlə törədildikdə) maddələri ilə də ittihyam irəli sürülüb.
 

Son xəbərlər

Orphus sistemi