İstanbulda evdən bir ailənin 4 üzvünün meyiti tapılıb

İstanbulun Eyüpsultan rayonunda evdən bir ailənin dörd üzvünün meyiti tapılıb.

“Report” xəbər verir ki, bu barədə DHA məlumat yayıb.

“Eyüpsultanda bir evdə eyni ailədən 4 nəfərin meyiti aşkarlanıb”, – agentlik bildirib. Qeyd olunub ki, onların odlu silahdan açılmış atəş nəticəsində öldüyü müəyyən edilib.

Bundan başqa, sözügedən ailədən bir nəfərin itkin düşdüyü də bəlli olub.

Faktla bağlı araşdırma aparılır.

Xatırladaq ki, daha əvvəl Konyada evdən bir ailənin dörd üzvünün meyiti tapılmışdı.