İsmayıllıda sahibsiz itlər 67 yaşlı qadına xəsarətlər yetirib

İsmayıllı rayonunda 67 yaşlı qadın sahibsiz itlərin hücumuna məruz qalıb.

"Report"un Yuxarı Şirvan bürosu xəbər verir ki, sahibsiz itlər rayonun Qubaxəlilli kənd sakini, 1956-cı il təvəllüdlü Yusifova Aidə İlyas qızına yaşadığı evin həyətində hücum edib.

Küçə itləri qadının üz, baş və çiyin nahiyəsindən dişləyərək ona xəsarət yetiriblər.

Yaralı qadın təcili tibbi yardım avtomobili ilə İsmayıllı Rayon Mərkəzi Xəstəxanasının cərrahiyə şöbəsinə yerləşdirilib.

Xəsarətləri ağır olan qadına həmçinin quduzluğa qarşı vaksin vurulub, hazırda müalicə olunur.