Yuxarı

İstintaq təcridxanasında nikah mərasimi keçirilib

Nikahı 4 saylı Bakı ASAN xidmət mərkəzinin Qeydiyyat şöbəsinin baş məsləhətçisi qeydə alıb

Bakı. 10 iyun. REPORT.AZ/ Ədliyyə Nazirliyi Penitensiar Xidmətinin 3 saylı istintaq təcridxanasında nikah mərasimi keçirilib. Bu barədə "Report"a xidmətin İctimaiyyətlə əlaqələr şöbəsindən məlumat verilib.

Penitensiar Xidmət təcridxanada saxlanılan Emin Səyfər oğlu Tağiyev ilə vətəndaş Firuzə Tofiq qızı Baxışovanın müraciətləri əsasında onların nikah mərasiminə şərait yaradıb.

4 saylı Bakı "ASAN xidmət" mərkəzinin Qeydiyyat şöbəsinin baş məsləhətçisi Aynurə İlham qızı Hacıyevanın qeydə aldığı nikah mərasimində Penitensiar Xidmətin məsul əməkdaşları iştirak ediblər.

Ailə quranlar yaradılan şəraitə görə Ədliyyə Nazirliyinin rəhbərliyinə minnətdarlıqlarını bildiriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi