İmişlidə baş verən yol qəzasında iki nəfər xəsarət alıb

İmişli. 7 mart. REPORT.AZ/ Bu gün axşam saatlarında İmişli rayonunun Xəlfəli kəndində iki nəfərin xəsarət alması ilə nəticələnən yol qəzası baş verib.

“Report”un Aran bürosu xəbər verir ki, 1968-ci il təvəllüdlü Sabirabad sakini Qəhrəmanov Rəsul Hacıağa oğlunun idarə etdiyi "Shacman" markalı yük maşını ilə 1965-ci il təvəllüdlü İmişli sakini Təhməzov Bulud Təzəxan oğlunun idarə etdiyi “Jiquli” markalı avtomobil toqquşub.

Hadisə zamanı xəsarət alan hər iki sürücü İmişli Rayon Mərkəzi Xəstəxanasına çatdırılıb.

Faktla bağlı araşdırma aparılır.