Hacıqabul dəmir yolu stansiyasının ərazisindən silah-sursat tapılıb

Bakı. 23 iyun. REPORT.AZ/ Hacıqabul dəmir yolu stansiyasının ərazisindən silah-sursat tapılıb.

“Report” xəbər verir ki, bu barədə Daxili İşlər Nazirliyinin (DİN) rəsmi saytı məlumat yayıb.

Xəbərə görə, Nəqliyyatda Baş Polis İdarəsi əməkdaşları tərəfindən Hacıqabul dəmir yolu stansiyasının ərazisindən 2 ədəd qumbara, 76 ədəd müxtəlif çaplı patron və 1 ədəd süngü-bıçaq tapılıb.

Faktla bağlı araşdırma aparılır.